Search

French Renaissance Paleography

 

You are here

Aveu et dénombrement de la seigneurie de Taillepied

Description: 

Sancheville,[1] 18 May 1490
Aveu et dénombrement des biens de la seigneurie de Taillepied tenus par Robine Bordinelle de Catherine de La Fontaine
Chicago, Newberry Library, VAULT Case MS 123

 

Partial Transcription: 

[Fol. 1r]
A tous ceulx qui ces | presentes lettres verront, Pierre de Gines, prevost du roy | nostre sire à Bonneval, salut. Savoir faisons que par devant Anne | Moliere, clerc substitut juré au lieu de Sancheville pour Philippe | Guyot, clerc tabellion juré du roy nostre sire audit Bonneval | et garde du seel d’icelle prevosté, fut present et establi personnellement | noble homme Pierre Peigné, escuier, au nom et comme procureur | de demoiselle Robine Bordinelle, sa mere, vefve de feu noble homme | Thomas Pogné [sic], en son vivant escuyer, ainsi que par lettres | de procuration faictes et passees soubz le seel de la chastellenie | de Chasteaudun dès le jeudi dix huistiesme jour de fevrier | l’an mil CCCC quatre vings et huit est deument apparu, | et signees F. Chausson, ayant puissance icelluy procureur par | lesd. lettres de procuration entre aultres chouses de soy transporter | par devers toutes personnes de qui lad. Robine, constituant, | tient en foy et homage de seigneur ou seigneurs et de , |faire la foy et homage pour ladite constituante et baillera  | adveuz et denombremens. Lequel procureur, usant du pouvoir à luy donné par lad. constituante, recongnut et confessa | au nom que dessus que il tient  et adveue à tenir en fié , | à une foy, hommage, rachat et cheval de service toutes et | quantesfois le cas y eschet par la coustume du fié, de | noble demoiselle Katherine de La Fontaine, vefve de feu ||

[Fol. 1v]
noble homme Jacques de Mainbier, en son vivant escuier, | dame de Verers et de Taillepié, à cause de son lieu, dommaine | et seigneurie de Taillepié,[2] les heritaiges, censives  et | chouses cy après declairees, c’est assavoir […]

a. uncertain reading: bailleur? O corrected over interlinear u?


[1] Commune in Centre-Val-de-Loire, département Eure-et-Loir, arrondissement Châteaudun, canton Bonneval.
[2] Lieu-dit de Taillepied in the commune of Saint-Maur-sur-le-Loir in Centre-Val-de-Loire, département Eure-et-Loir, arrondissement Châteaudun, canton Châteaudun.