Search

French Renaissance Paleography

 

You are here

Lancelot du lac

Description: 

Paris?, 1275-1300
Lancelot en prose
Chicago, Newberry Library, VAULT folio Case MS 21

 

Partial Transcription: 

[Fol. 292r]
Meleaganz avoit une sereur dont li con-|tes a parlé ça arriere à qui Lancelot don-|na la teste del chevalier qu’il ocist. Cele da-|moisele avoit mout grant duel de la prison | Lancelot et mout haoit durement Melea-|gant, qar il li avoit tolue toute la terre que |ele devoit tenir, qui de par sa mere li estoit | escheoite, fors que un seul chastel où ele estoit. | Meleaganz n’estoit ses freres fors de mere, et | pour ce la haoit il tant. Si l’en avoit toute des-|heritee encontre la volenté le roi Bademagu | son pere. Qant la damoisele vit que la tour | des marés fu fete, si pensa bien que Meleaganz | ne l’avoit fete fors pour Lancelot enprison-|ner. Et ele avoit nourrie la femme au serf qi | la tour gardoit et mariee l’avoit et meint grant | bien li avoit fet. Si se penssa que se ele de la | prison le pooit giter, qu’i l’avencheroit de | Meleagant mieuz que nul hom vivant. | Ele vint à la fame au serf, si li fist mout gre-| gneurs biens que ele onques n’avoit fet. | Et se herberja en la meson qui seoit au chief des | marés seur le chemin. Et  ele se prist mout bien | garde q’an ne la peust apercevoir. Si esgar-|da comment li mengiers fu portez à Lancelot.| Et lors en ot ele si grant pitié que ele en plora | mout tendrement. Et dist à soi meisme : se | ele en devoit morir, si l’en gitera ele se ele || onques puet. Car trop seroit granz doma-|ges se li mieudres chevaliers del monde moroit | en si male prison. La damoisele apareilla | meintenant quanque mestier li fu a trere | Lancelot fors de la tour. Et la nuit qant tuit | furent endormi par leianz, ele atourna son | afere en une chambre où ses puceles gisoient. | Qant ele sot bien que tuit estoient endormi, | ele vint à la nef. Si demanda un pic et une gros-|se corde, et entra en la nef et vint jusque à la | tour. Et trova le paneret en quoi l’en enveoit | à Lancelot à mengier.  […]

Printed text: Lancelot. Roman en prose du XIIIe siècle, ed. by Alexandre Micha. Geneva: Droz, vol. III, 1978, pp. 323-4 (ed. of BNF, MS Fr. 110.)