Search

French Renaissance Paleography

 

You are here

Chroniques de Jean Froissart, vol. 1

Description: 

Low Countries, 1425-1450
Chroniques de Jean Froissart, vol. 1
Chicago, Newberry Library, Vault Case MS 37.1

 

Partial Transcription: 

[Fol. 140r]
Assés tos apprès le mort le conte de | Ghinez, dont touttez manierez de bonnez gens | furent courouchiet, fu pris et emblés li fors et | ly biaux castiaux de Ghinez, qui est ung des | biauls castiaux dou monde, et fu accattés à | bons deniers sés de monsigneur Jehan de Biaucamp, | chappitainne de Calais, et delivrés de chiauls | qui le vendirent as Englés, qui en prisent le | saisine et possession et ne l’euissent rendu | pour nul avoir. Quant les nouvellez en vinrent | à Paris, ly roys de Franche en fu durement | courechiés: che fu raison, car de forche il | n’estoit myes à reprendre. Sy en parla à son | cousin le cardinal de Boulongne en priant | que il volsist mander à chiaus de Calais qu’il | avoient mal fait quant dedens trieuwes il | avoient pris et emblet le castiel de Ghines, et | que par che fait il avoient les trieuwes en|fraintez. Ly cardinaus à l’ordounanche dou | roy obeÿ et envoiia certains messages à Ca-|lais deviers monsigneur Jehan de Biaucamp, en ly re-|moustrant que il avoit trop mal fait quant | il avoit consenti à prendre et embler en trieu-|wes le castiel de Ghinez, et que par che point | il avoit les trieuwez enfraintez, se ly | mandoit que che fuist deffais, et ly cast-|iaus remis ariere en le main dez Franchois. |Mesire Jehan de Biaucamp fu tantos conseilliés | dou respondre, et respondi qu’il n’esqueoit | nul homme en trieuwez net hors trieuwes | à accatter castiaus, terrez, possessions et hiretagez, | et que pour che ne sont miez trieuwez enfraintez | ne brisiez. Il n’en peurent, chil qui envoiiés | y furent, aultre chose avoir : si demora la | cose en tel estat, et obtinrent li Englés le | fort castiel de Ghinez, qu’il n’euissent ren-|du pour nul avoir. […]