Search

French Renaissance Paleography

 

You are here

Expédition du contrat de mariage de Guillaume Lobeyrie et Anthonie Anglade

Description: 

Saugues,[1] 23 June 1577
Expédition du contrat de mariage de Guillaume Lobeyrie et Anthonie Anglade
Chicago, Newberry Library, VAULT Case MS 5027

 

Partial Transcription: 

[Fol. 1r]
Au nom du roy Jesus, amen. Soict notoire à tous presens et advenir que l’an mil cinq cens septante sept et le vingtroisiesme jour de jung, regnant trescrestien et excellent prince Henry tiers de ce nom, par la grace de Dieu roy de France et de | Poloigne, en presence de moy, notaire royal soubzsigné, et tesmoings soubznommés, comme à la louange de Dieu le Createur et multiplication d’humain linaige soict esté tracté mariaige par parolles de futur, et s’acomplira si plaict à Dieu en fasse de saincte | mere Esglize, entre saige jouvenceau Guilhaume Lobeyrie, filz legitime et naturel de honorable homme maistre Jehan Lobeyrie, notaire royal de Salgues, d’une part, et honeste filhe Anthonie Anglade, filhe legitime et naturelle de honorable maistre Jacques Langlade, | licencié ez droicts et notaire royal de lad. ville, d’aultre, lesquelz Lobeyrie et Anglade, espoux futurs, procedans de l’auctorité, licence, permission et congé de leursd. peres et de honestes femmes Catherine Dupré, mere dud. Lobeyrie, et de Claude Planchette, mere de lad espouze future, icelle | leur donnant de leur bon gré, ont promis et juré sur les sainctz Evangilles de Dieu se prendre l’ung l’aultre par loyal mariaige en fasse de saincte mere Eglize quant l’une partie requerra l’aultre s’il n’y survient aultre empeschement canonic, que Dieu ne veulhe. Et pour ce | que l’ordre de droict et bonne costume est telle, par nous ancestres observee, que doct et chancere doibt estre costituee aux femmes venans en mariaige affin que ne demeurent indotees et que les charges du mariaige soyent plus facillement supportees, à ceste cause lez | an, jour et regnant que dessus, establys en leurs personnes honorable homme maistre Jacques Langlade, licencié ez droictz, et honeste femme Claude Planchette, mariez de la ville de Salgues, dioceze de Mende, lad. Planchette procedant de la licence, auctorité et permission dud. Anglade […]


[1] Commune in Auvergne, département Haute-Loire, arrondissement Brioude, canton Gorges de l’Allier-Gévaudan.