Search

French Renaissance Paleography

 

You are here

Vente au profit de Gabriel de Langeac

Description: 

Riom,[1] 28 May 1585
Vente au profit de Gabriel de Langeac
Chicago, Newberry Library, VAULT Case MS 5027

 

Partial Transcription: 

[Fol. 1r]
A tous ceulx qui ces presantes lettres verront, nous, garde et tennant le seel royal aux contraictz establys | pour le roy à Rion en Auvergne, sçalut. Sçavoir faizons que pardevant Loÿs Boniol, noctaire juré dudict seel et adce commis à recepvoir ces presantes, | personnellement establys noble Annet Pezaud, habitant de La Bautisse, parroisse de Sainct Pierre Chastel, lequel de son bon gré, certayne science, pure, | franche et libere vollonté, a venddu, ceddé, quicté, remis et à perpetuel transporté, et vent par ces presantes à tiltre de vente pure, perpetuelle et irrevocable, | à puissant seigneur Gabriel de Langhat, seigneur de Confellant et Bonnebaud, adce present, recepvant, acceptant et stipullant pour luy et les siens, le contenu es presantes, | et par le pris et somme de cent soixante six escus sol et deulx tiers, poyés par ledict seigneur achapteur audict vendeur, assavoir la somme de soixante | troys escus ung tiers comptant, reaulment et de faict, en escus sol et ung franct conptés et nombrés, presans le noctaire et tesmoings, et par ledict vendeur | prins et receus et ridrés[2] luy retirés, et les cent trois escus sol et tiers d’escu restans pour fere ladicte somme de cent soixante six escus et deulx tiers par la vente et deslivrance | de quarante sestiers bled soigle et certain nombre de bestailh bovim, audict vendeur deslivré par ladicte somme et pris enltre eulx acorddé, dont il c’est thenu pour comptant | et en a quicté ledict seigneur acquereur, et d’icelle somme de cent soixante six escus deulx tiers, icelluy vendeur en a quicté et quicte par ces presantes ledict seigneur acquereur et | les siens à perpetuel, en pacte et convenance expresse de ne luy en jamais riens plus demender en jugement ne dehors, adoncques venddu ledict vendeur audict seigneur achapteur | et es siens par ledict pris et somme, poyé comme dict est, ASSAVOIR…


[1] Commune and chef-lieu d’arrondissement in Auvergne, département Puy-de-Dôme.
[2] Meaning: par devers.