Search

French Renaissance Paleography

 

You are here

Expédition du contrat de mariage de Jean de Jardon et Françoise de Rochefort

Description: 

Ussel,[1] 2 May 1523
Expédition du contrat de mariage de Jean de Jardon et Françoise de Rochefort
Chicago, Newberry Library, VAULT Case MS 5027

 

Partial Transcription: 

[Fol. 1r]
Saichent tous presens et advenir que en l’an de l’incarnacion nostre Seigneur mil quatre cens quatre vingtz et quatorze, regnant tresecellant prince Charles, par la grace de Dieu roy de France, en la presence de feu maistre Anthoine Esparvier, | notaire royal habitant de la ville d’Ussel en Limosin au temps qu’il vivoit, et de maistre Jehan Disier, aussi notaire, et des tesmoings dessoubz escriptz, furent personnellement establiz nobles et puissans seigneurs messire Gilbert de Rochefort, chevalier seigneur | de Sainct Marcial, et damoyselle Françoyse de Rochefort, sa filhe, d’une part, et noble homme Jehan de Jardon, escuyer, seigneur dud. lieu, d’autre part, lesquelles parties de leur bon gré, pure et franche volunté, passerent et entre eulx| acorderent les articles, pactes et convenances contenuz en certains articles par eulx et lesd. notaires signés de leurs mains, desquels la teneur s’ensuit. Au tracté et contract de mariage d’entre noble homme Jehan de Jardon, | escuyer, seigneur dud. lieu, et de luy, d’une part, et de damoyselle Françoise de Rochefort, filhe de noble messire Gibert de Rochefort, chevalier seigneur de Sainct Marcial, et d’elle, d’autre part, par les pairs et amictz desdictes | parties, ont esté faictz, passés, acordés les pactes, promesses, convenances et acords enssuivans, c’est assavoir que led. de Jardon, escuyer seigneur dessusd., a promis prandre à femme et espose lad. damoyselle Françoise | de Rochefort et pareillement icelle damoyselle Françoise led. de Jardon à mary [et] espoux toutes et quantes fois l’une desd. parties en sera requise par l’autre, et que Dieu et saincte Eglize seront consentens et acordés. Et en faveur et contemplacion dud. mariage et pour icelluy faire et acomplir, personellement constitué et establi, led. messire Gilbert de Rochefort, chevalier seigneur dud. Sainct Marcial, de son gré | etc., a donné et constitué en dot à lad. damoyselle Françoise sa filhe et aud. Jardon son futur mary et à cause d’elle, par tout droict, part, portion, appanement de pere, de mere, de freres & seurs, sauf à elle | succession de droict future, si elle advient, la somme de dix sept cens livres tournois […]


[1] Commune in Auvergne, département Cantal, arrondissement Saint-Flour, canton Murat.