Search

French Renaissance Paleography

 

You are here

Simiane papers

Description: 

Lyon,[1] 25 June 1622[2]
“Extrait des registres de déliberations du chapitre cathédral de Lyon : refus de recevoir Charles-Antoine de Fassion, pourvu en cour de Rome d’un canonicat.”
In Simiane Papers
Chicago, Newberry Library, VAULT Wing MS 98

 

Partial Transcription: 

[Item 1, fol. 1r]
Le sabmedy vingt-cinquiesme | de juin mil six cens et | vingt-deux, chappitre general de | l’esglize de Lyon d’aprés la | feste Saint Jean Baptiste a esté | tenu et cellebré, convocqué au son | de la cloche à l’heure et mani[er]e | accoustumé[e], pour traicter des affaires d’icelle ; ||
Où estoient illustrissimes messeigneurs messires | Hector de Cremeaulx-Chamasset, doyen, Edmé[3] | de Faulquier-Vitré, presenteur provisionnel, | Claude de Sallemard-Ressis, secrettain, François | de Saconay, prevost, Laurens de Sim[i]anes, maistre | du cœur, Claude Damas-Labastie, Guillaume | d’Arbon et Rodolphe de Saconay-Pravieux, tous | chanoynes de l’esglize, comtes dud. Lyon, cappitulans ; ||
Est comparu noble Charles-Anthoine | de Fassion, clerc au diocese de Vienne, lequel a | prié et requis lesd. seigneurs le vouloir | recepvoir et agreger en leur compaignie pour | l’un des chanoynes et comtes de ceste esglize | au lieu du feu sr de Chaufailles, de la | place duquel il a esté pourveu en cour | de Romé[4] comme ayant vacqué par son decedz, | a heu son visa de monsr l’archevesque de | Vienne et s’est faict mettre en pocession dès | le dixiesme de ce moys, offrant de faire payer | tout ce que les nouveaux chanoynes |

[Fol. 1v] doibvent à leur reception à la forme des | statudz de lad. esglize, protestant de ce faire, | de se pourveoir ainsi et contre qui il verra | et que le reffuz qui pourroit estre faict | ne luy puisse prejudicier. ||  
Ont lesd. seigneurs par la voix dud. seigneur | doyen faict responce qu’ilz ont pourveu de | lad. chanonie et partant ne peulvent recepvoir | led. sr de Fassion. Extraict des registres | dud. chappitre par le secretaire et greffier d’icelluy | soubzsigné Frayau, chanoine. ||
Coppie.[5] ||


[1] Capital of the Rhône-Alpes region, département Rhône.
[2] Contemporary copy of the document.
[3] Correct form: Edme.
[4] Correct form: Rome.
[5] Followed by a signature that could not be identified.