Search

French Renaissance Paleography

 

You are here

Cartulaire de l'Abbaye-aux-Bois

Description: 

Ognolles,[1] September 1251 (copy ca. 1280)
Cartulaire de l’Abbaye-aux-Bois
Chicago, Newberry Library, VAULT Case MS 20.1

 

Partial Transcription: 

[Fol. 72v, line 6, n.156[2]]

Jou[3] Jehans de Neele, chevaliers, sires de Falevi,[4] fas à savoir à tous | chiaus qui ces letres verront que je me sui estaulis dete pour mai-|stre Wautier le Machou de Falevi[5] de valeur d’un mui de blé à le me-|sure de Neele, deus deniers desous le melleur envers l’abeesse et | le covent de le Franche Abie de\les/ Biauliu, entel maniere que se li | devant dis maistre Gautiers le Machous u ses oirs ne rendoient | le devant dit blé à l’abeesse et au covent de le Franche Abie de | Biauli chascun an à le Saint Remi et jou en estoie semons | je seroie tenus iretaulement à rendre le devant dit blé à l’a-|beesse et au covent de le Franche Abie de Biauliu dedens le | quinsainne que jou en seroie semons. Et se li devant dis maistre | Gautiers u si oir pooient aquester un muy de blé et metre | en le main de le devant dite abeesse et dou covent soufisan-|ment, li devant dite abeesse et li covent me doivent mes | letres rendre, et ne leur seroie plus tenus à rendre leur de-|vant dit blé. Et est assavoir que se la devant dite abeesse et | li devant dis covens de le devant dite Franche Abie de Biauliu | avoient cous ne damage par le defaute del paiement celui de-|vant dit maistre Gautier u del mien, je suis tenus à rendre cous raisnables à le devant dite abeesse u au devant dit covent | par leur plainne parole sans plus faire encontre. Et pour | chou que ce soit ferme chose et estaule, jou ai ces presentes letres | seelees de mon seel. Ce fu fait en l’an del incarnation | Notre Segneur mil et deux cens et cinquante et un an el mois de setembre.

 
[1] Commune in Picardy, département Oise, arrondissement Compiègne, canton Guiscard.
[2] Line 5, rubric: De modio magistri Walteri Laothomi.
[3] In pencil, in the left margin, later hand: Falvi.
[4] Jean de Nesle, seigneur de Falvy, is the nephew of the founder of the monastery, Jean II de Nesle, seigneur de Nesle and châtelain de Bruges.
[5] Falvi in Picardy, département Somme, arrondissement Péronne, canton Nesle.