Search

French Renaissance Paleography

 

You are here

Letter of John Stanlawe to John Randulf, viscount of Caen, regarding a program of repairs to be made at the castle of Caen

Description: 

Rouen,[1] 4 January 1435
Letter of John Stanlaw to John Randulf, viscount of Caen, regarding a program of repairs to be made at the castle of Caen
Washington, D.C., Folger Shakespeare Library, MS X.d.38

 

Partial Transcription: 

[Fol.1r]
Jehan Stanlawe, escuier, tresorier et gouverneur general de toutes les finances du Roy nostre seigneur en Normandie, à Jehan Randulf, viconte de Caen, ou à son lieutenant, salut. Nobles hommes messires Jehan Ffastolf, chevalier, | capitaine des ville et chastel de Caen[2], et messire Richard Haryngton, chevalier, bailli dudit lieu, nous ont exposé que pour ruine et pluseurs traisons et rebellions faictes et qui se font chacun jour par pluseurs genz | de commun et autres ou pais de Normandie, parquoy pluseurs villes et places oudit pais seroient en tresgrant dangier si pourveu n’estoit ains, et mesmement les ville et chastel de Caen, à l’ocasion | de ce que ledit chastel est en ruyne et decadent à cause de ce que long temps a reparacion n’y fut faicte, dont il pourroit advenir inconvenient à lad. place, que Dieu ne vueille, et pourveu ny estoit dedans | brief temps en especial aux choses cy apres declairees. C’est assavoir pour faire le presens œuvre[3], reparacions et fortifficacions, il est besoing trouver es forestz de Singlais[4] pluseurs charpentiers et ouvriers | pour abater et apointer le bois et meuvoir  tout prest au necessaire. Et qu’il fault grant nombre de chariotz et chariettes et gens pour les conduire et admener ledit bois oudit chastel de Caen. Item qu’il | fault pluseurs charpentiers et ouvriers pour faire certaines hies de bois de chascun sur les murs dudit chastel depuis la tour des vielz prisons pres le donjon en venant à la porte au bergier jusques | à ung jour faisant le coing de la closeure dudit chastel  et ailleurs où besoing sera, jusques au nombre de six vins dixhuict toises. Item, faire tout neuf les planches desseur des deux grosses | tours de la porte du belle dudit chastel par où l’on va à la pigasserie, quatre gros sommiers et asseoir canons ou veuglaires, et faire les cullers et autres habillemens de charpenterie au moins. |

[…]


[1] Capital of the Seine-Maritime départment and Haute-Normandie region.
[2] Capital of the Calvados département and Basse-Normandie region.
[3] Uncertain reading.
[4] Les-Moutiers-en-Cinglais in Basse-Normandie, département Calvados, arrondissement Caen, canton Thury-Harcourt.