Search

French Renaissance Paleography

 

You are here

Confirmation of the donations made by Louis, Duke of Orléans, and his mother to the convent of Sainte-Croix in Chauny

Description: 

Paris, 25 January 1492
Confirmation of the donations made by Louis, Duke of Orléans, and his mother to the convent of Sainte-Croix in Chauny
San Marino, Huntington Library, HM 9623

 

Partial Transcription: 

[Fol. 1r]

Loys, duc d’Orleans, de Millan et de Valois, conte de Blois, de Pavie et de Beaumont, seigneur d’Ast et de Coucy. À nos amez et feaulx conseilliers, | les gens de noz riceptes à Blois, gouverneur de Chauny ou à son  lieutenant et à tous noz autres justiciers et officiers ou à leurs lieuxtenans |et adhers d’iceulx, sicomme à lui appartiendra, salut. Comme nostre treschier seigneur et pere et aussi nostre treschere dame et mere, dont Dieu| ayt les ames, ayent en vouloir et desir de faire construire et ediffier ung couvent de l’ordre de Saincte Croix en nostre ville de | Chauny[1] en certaine place donnee ausd. religieux par feu maistre Simon Heron, situee et assise pres du chastiau de lad. ville, tenant | d’unne part à une ruelle estant entre lad. place et le seigneur de Saveuses[2] ; d’autre part au jardin des arbalestriers dud. lieu aboutant par | derriere aux murs de lad. ville ; et pardevant au fons de lad. rue. En ensuivant laquelle voulenté de nosd. feux seigneur et dame, | pere et mere, nous avons donné congé ausd.  religieux de l’ordre Saincte Croix de faire ediffier une eglise et leur maison en | ladite place, laquelle nous leur avons confié[3] enfant qui à nous estoit et deschargee de vingt solz parisis de rente par chacun | an et de neuf deniers parisis de cens d’unne part, et ung deniers parisis de cens d’autre part, enquoy ladite place estoit chargee envers | nostred.a seigneur de Chauny. En quistant et deschargant totallement ladite place et ausd. lesd. [sic] religieux et leurs successeurs | d’icelle rente et aussi dud. cens, ainsi qu’il appert plus amplement par noz letres signees de nostre main et scellees de nostre grant scel en | laz de soye et cire verd donnees en nostre chastel de Blois ou mois d’octobre mil cccc. quatrevings et cinq, ausquelles ces presentes sont | atachees soubz nostre gran scel, depuis laquelle chose par nous faicte feue nostred. dame et mere eut fait dessus une maison en lad. | place au coing de lad. ruelle qui est pres de la maison dud. seigneur de Saveuses, laquelle maison  […]

a. Erased word: monseigneur?

 
[1] Commune in Picardie, département Aisne, arrondissement Laon.
[2] Jean de Saveuses (b. 1435) was the governor of Chauny.
[3] Uncertain reading.